आज सुर्य आहे तळपणारा पण त्याची उष्णता जाणवत नाहीये
मन बेभान होऊन नाचतंय त्याला दम लागत नाहीये !
जोरदार वारा सुटलाय वादळ सुद्धा येईल कदाचित
पण या बेधुंद मनामुळे तेही जाणवत नाहीये !
किती गर्दी आहे आजूबाजूला , किती वेळ वाया जातोय
उडणार्या मनाला मात्र एक वेगळच आकाश दिसतंय !
तळपणारा सुर्य , सुटलेला वारा , आजूबाजूची माणस
कशाचा कशाचा परिणाम होईना
अर्रे मना मला तुझ वागणं काही केल्या समजेना !
कितीही अडथळे येउदेत समोर , मन काही थकेना
उंच उंच उडण्याची हि मनाची उमेद काही केल्या तुटेना !
सुंदर स्वप्न बघण्यासाठी आता झोपायची गरज नाही
उघड्या डोळ्यांना दिसणारं जग त्याहीपेक्षा सुंदर आहे !
No comments:
Post a Comment